ევროსაბჭომ რუსული მხარის მოთხოვნა არ დააკმაყოფილა. ევროსაბჭოს საპარლამენტო ასამბლეის მონიტორინგის კომიტეტის გადაწყვეტილებით, ორგანიზაციაში რუსეთ-საქართველოს საკითხთან დაკავშირებით პოლიტიკური ასპექტების ამოღება არ მოხდება.
კომიტეტის სხდომაზე მიღებული დოკუმანტის თანახმად, ევროსაბჭოს მიერ რუსეთ-საქართველოს საკითხებზე მიღებული სამივე რეზოლუცია ძალაში რჩება და ორგანიზაცია ოფიციალური მოსკოვისგან საქართველოს ოკუპირებული ტერიტორიებიდან ჯარების გაყვანას, ე. წ. სამხრეთ ოსეთისა და აფხაზეთის აღიარების უკან წაღებას, საერთაშორისო დამკვირვებლების ოკურირებულ ტერიტორიებზე შეშვებასა და დევნილების დაბრუნების ხელშეწყობას მოითხოვს.
შეგახსენებთ, რომ დღეს ევროსაბჭოს მონიტორინგის კომიტეტის სხდომაზე რუსული მხარე ასამბელის ფარგლებში საქართველო-რუსეთის საკითხის განხილვების დროს პოლიტიკური ასპექტების ამოღებას ითხოვდა.
როგორც რუსული დელეგაციის წევრმა, დუმის დეპუტატმა ლეონიდ სლუცკიმ აღნიშნა, ევროსაბჭოში პოლიტიკური საკითხების ნაცვლად, ყურადღება ჰუმანიტარულ ასპექტებზე უნდა გამახვილდეს.
