დღეს ფრაქცია "ქრისტიან-დემოკრატების" მდივანმა ზაზა გაბუნიამ საკრებულოში ბრიფინგი გამართა, რომელზეც მერიის მიერ საახალწლო ღონისძიებებისათვის დახარჯულ თანხებზე ისაუბრა.
ზაზა გაბუნიას თქმით, ქალაქის მერიის მიერ მათი მოთხოვნის საპასუხოდ გაგზავნილი წერილი საკრებულოსადმი უპასუხისმგებლო და ზერელე დამოკიდებულებას ადასტურებს. კერძოდ, მერიის საპასუხო წერილში ახალი წლის დღესასწაულთან დაკავშირებით თბილისის ბიუჯეტიდან დახარჯულ თანხად 411 837 ლარია მითითებული.
"წერილში მითითებულია მხოლოდ ციფრი და არ არის დაკონკრეტებული, თუ რა საჭიროებებზე იქნა გახარჯული აღნიშნული თანხა, რაც გვავარაუდებინებს, რომ ღონისძიებებისათვის დახარჯულია გაცილებით მეტი, ვიდრე წერილშია მოცემული",_აღნიშნა გაბუნიამ.
მისი თქმით, იმ ფონზე, როდესაც ქალაქში ასეულობით უსახლკარო, სოციალურად დაუცველი მოქალაქეა, ერთჯერადი ხასიათის ღონისძიებებისათვის ამ რაოდენობის თანხების გაღება გაუმართლებელია.
