სააკაშვილს შეუძლია გააცოფოს მოსკოვი, როდესაც აცხადებს, რომ "დომოდედოვოში" მომხდარი ტერაქტი ჩრდილოკავკასიაში რუსეთის მცდარი პოლიტიკის შედეგია - წერს ბრიტანული გაზეთი "თჰე Iნდეპენდენტ", რომელსაც საქართველოს პრეზიდენტმა მიხეილ სააკაშვილმა ინტერვიუ მისცა.
საქართველოს პრეზიდენტმა განაცხადა, რომ მოსკოვის "დომოდედოვოს" აეროპორტში მომხდარი ტერაქტი არის "საზღაური" ჩრდილო კავკასიაში რუსეთის მიერ განხორციელებული მცდარი პოლიტიკისა.
ბრიტანული გამოცემა აღნიშნავს, რომ მსგავსი რიტორიკა სააკაშვილის მხრიდან გასაკვირი არ არის, იმის გამო, რომ საქართველოსა და რუსეთის ხელისუფლება რეგულარულად უზიარებენ ერთმანეთს ურთიერთშეურაცხმყოფელ განცხადებებს 2008 წელს მომხდარი ომის დროდან დაწყებული.
"თუმცა ასეთი განცხადებები შესაძლოა ძალიან მტკივნეული იყოს და მათ შეიძლება მოსკოვის გაცოფება გამოიწვიოს", _ წერს გაზეთი და დასძენს, რომ საქართველოს პრეზიდენტმა რუსეთი კიდევ ერთხელ დაადანაშაულა მეზობელი ქვეყნების დესტაბილიზების მიზნით იქ სეპარატისტული მოძრაობების წაქეზებაში.
