საქართველოს საგარეო საქმეთა სამინისტრო გამოხატავს ღრმა მწუხარებას კოლუმბიის რესპუბლიკის ჩრდილო-აღმოსავლეთით მდებარე მაღაროში აფეთქების შედეგად 20-ზე მეტი ადამიანის დაღუპვის გამო.
საგარეო საქმეთა სამინისტრო თანაუგრძნობს დაღუპულთა ოჯახებსა და ახლობლებს.
შეგახსნებთ, რომ 26 იანვარს კოლუმბიის, ჩრდილოეთ-აღმოსავლეთ ოლქის მაღაროში მომხდარი აფეთქების შედეგად 20 ადამიანი დაიღუპა, ხოლო 6 დაიჭრა.
წინასწარი ინფორმაციით, ძლიერი აფეთქება მაღაროში მეთანის გაზის დაგროვებამ გამოიწვია. აღსანიშნავია, რომ კოლუმბიაში 2010 წელს მაღაროებში მომხდარი აფეთქების შემდეგად 130 ადამიანი დაიღუპა.