აშშ-ის სახელმწიფო მდივანმა მარკო რუბიომ, ნატო-ს გენერალურ მდივანთან მარკ რუტესთან სატელეფონო საუბრისას განაცხადა, რომ შეერთებული შტატები მზად არის უარი თქვას უკრაინასა და რუსეთს შორის ომის დასრულების მცდელობებზე, თუ უახლოეს მომავალში მშვიდობისკენ მკაფიო გზა არ გამოჩნდება.
აშშ-ის სახელმწიფო დეპარტამენტის პრესსპიკერის ტემი ბრიუსმა განაცხადა, რომ რუბიომ რუტეს მიაწოდა ინფორმაცია სამშვიდობო წინადადების შესახებ, რომელიც წარედგინა უკრაინის დელეგაციას ხუთშაბათს პარიზში და რუსეთის ოფიციალურ პირებს ტელეფონით.
„სახელმწიფო მდივანმა გამოთქვა პრეზიდენტ ტრამპისა და შეერთებული შტატების იმედი, რომ ეს წინადადება მიიღება და უკრაინაში მოიტანს ძლიერ და გრძელვადიან მშვიდობას.
სახელმწიფო მდივანმა ხაზგასმით აღნიშნა, რომ მიუხედავად იმისა, რომ უკრაინა მზად არის ომის დასრულებისთვის, თუ მშვიდობისაკენ მკაფიო გზა მალე არ გამოჩნდება, შეერთებული შტატები დატოვებს სამშვიდობო მცდელობებს“, - თქვა ბრიუსმა.
