გაერო-ში რუსეთის მუდმივმა წარმომადგენელმა ვასილი ნებენზიამ ჟურნალისტებს განუცხადა, რომ უკრაინაში ცეცხლის შეწყვეტა ჯერჯერობით შეუძლებელია, რადგან მისი მტკიცებით, კიევმა, თავის მხრივ, არ შეაჩერა თავდასხმები რუსეთის ენერგეტიკულ ინფრასტრუქტურაზე.
"ჩვენ გვქონდა ენერგეტიკულ ინფრასტრუქტურაზე ცეცხლის შეზღუდულად შეწყვეტის მცდელობა, რომელიც უკრაინულმა მხარემ არ დაიცვა. ამ მოცემულობაში ცეცხლის შეწყვეტაზე საუბარი ამ ეტაპზე არარეალისტურია", - თქვა ნებენზიამ. მისივე მტკიცებით, დასავლეთის ქვეყნებს მორატორიუმის დასაცავად უკრაინაზე ზეწოლის მზაობა არ გამოუხატავთ და ცეცხლის შეწყვეტის "არარეალისტურობა" სწორედ ამას უკავშირდება.
„არავინ ლაპარაკობდა, უბრალოდ იყო ჩვეულებრივი მცდელობა, გაემართლებინათ ყველაფერი, რასაც კიევის რეჟიმი აკეთებს და რუსეთი ყველაფერში დაედანაშაულებინა“, - აღნიშნა ნებეზნიამ.
