ანწუხელიძემ იცის, რომ საკუთარ ქვეყანაში ომს არ იწყებენ, ის არ გადასულა სხვა ქვეყანაში, საკუთარ ქვეყანაში იდგა, რომელი ერი არ იამაყებდა ანწუხელიძით, ჩვენ, ერი ვამაყობთ, მაგრამ მთავრობა რას აკეთებს? - ამის შესახებ არქიმანდრიტმა დოროთე ყურაშვილმა სამოქალაქო პლატფორმა "ისაუბრესთან" კომენტარში განაცხადა.
"იძახიან, რომ "მივდივართ ევროპისკენ, მიუხედავად იმისა, რომ ევროკავშირთან მოლაპარაკებები შევწყვიტეთ". მე ვფიქრობ, რომ ეს პრობლემა დგას მთავრობის წინაშე და მათ სათქმელი ექნებათ, რომ "ჩვენ არ გვინდა ევროპა, ჩვენ გვინდა რუსეთი".
არცერთ ჯარისკაცს არ აქვს იმის უფლება, რომ ბრძანება გააკრიტიკოს, ასე იყო მაშინაც და ასეა ახლაც, ყველა ქვეყანაში - უბრძანეს? მიდის. - მტერია? უნდა დახვდეს.
ესენი რას ამბობენ, რომ "აი, ანწუხელიძე უაზრო მსხვერპლია". ამით რას ეუბნებიან ჯარისკაცს? რომ "ჩვენ თუ ბრძოლას მოგიწოდებთ, ჯერ დასხედით, განიხილეთ რამდენად სწორად, ჩვენი ბრალია თუ არა მტერი რომ შემოვიდა". ეს ანწუხელიძემ როგორ უნდა გაარკვიოს, მიშას ბრალია რუსეთის შემოსვლა თუ რუსეთის ბრალი. მით უმეტეს, ანწუხელიძემ იცის, რომ საკუთარ ქვეყანაში ომს არ იწყებენ, ის არ გადასულა სხვა ქვეყანაში, საკუთარ ქვეყანაში იდგა. რომელი ერი არ ისურვებდა, რომ ანწუხელიძე მისი ერის შვილი ყოფილიყო. რომელი ერი არ იამაყებდა ანწუხელიძით. და ჩვენ, ერი ვამაყობთ, მაგრამ მთავრობა რას აკეთებს?" - თქვა არქიმანდრიტმა დოროთე ყურაშვილმა.
