საფრანგეთის პრეზიდენტმა ემანუელ მაკრონმა განაცხადა, რომ რუსეთი უკრაინის მუდმივი დაბომბვით დასცინის ინიციატივებს სამშვიდობო მოლაპარაკებების შესახებ.
„უკრაინაში ეროვნული გლოვის დღეს, ჩემი ფიქრები ბავშვებთან და რუსეთის მიერ განხორციელებული თავდასხმების ყველა მსხვერპლთან არის“, - წერს მაკრონი X-ზე.
მაკრონმა აღნიშნა, რომ უკრაინა, დათანხმდა აშშ-ის პრეზიდენტის დონალდ ტრამპის წინადადებას 30-დღიანი ცეცხლის შეწყვეტის შესახებ, მაგრამ რუსეთი ომს იგივე ინტენსივობით აგრძელებს.
„რუსული დარტყმები უნდა დასრულდეს. ცეცხლი რაც შეიძლება მალე უნდა შეწყდეს. და [საჭიროა] გადამწყვეტი ქმედება, თუ რუსეთი გააგრძელებს დროის მოგების მცდელობას და უარს იტყვის ზავზე.
კიდევ რამდენ ხანს უნდა დასცინოს რუსეთმა აშშ-სა და უკრაინის სამშვიდობო შეთავაზებებს და გააგრძელოს ბავშვებისა და სხვა მშვიდობიანი მოსახლეობის მკვლელობა?“ - წერს მაკრონი.
შეგახსენებთ, კრივი რიჰზე რუსეთის დარტყმების შედეგად დაღუპულთა რაოდენობა 20-მდე გაიზარდა.
