კრივი რიჰზე რუსეთის დარტყმების შედეგად დაღუპულთა რაოდენობა 20-მდე გაიზარდა, დღესსაავადმყოფოში 57 წლის კაცი გარდაიცვალა. ამის შესახებ ქალაქის თავდაცვის საბჭოს ხელმძღვანელი ოლექსანდრ ვილკული იუწყება.
„სამწუხაროდ, 4 აპრილის რუსული ტერაქტის შედეგად დაღუპულთა რაოდენობა 20-მდე გაიზარდა. მრავლობითი ჭრილობის შედეგად 57 წლის კაცი საავადმყოფოში გარდაიცვალა. ექიმები მთელი საათის განმავლობაში აკეთებდნენ ყველაფერს, რაც იყო შესაძლებელი და შეუძლებელი, მაგრამ დაზიანებები სიცოცხლესთან შეუთავსებელი აღმოჩნდა“, - წერს ვილკული.
4 აპრილს კრივი რიჰზე რუსეთის ბალისტიკური რაკეტით დარტყმის შედეგად 18 ადამიანი დაიღუპა, მათ შორის 9 ბავშვი. ამის შემდეგ რუსეთის ძალებმა ქალაქზე იერიში დრონებით მიიტანეს, რომელსაც ერთი ადამიანი ემსხვერპლა. დარტყმების შედეგად დაშავებულია 74 ადამიანი.
