აშშ-ის ცენტრალური სადაზვერვო სააგენტოს (CIA) დირექტორი ჯონ რეტკლიფი დარწმუნებულია, რომ უკრაინელი სამხედროები შიშველი ხელებითაც იბრძოლებენ, თუ მათ არ ექნებათ მისაღები პირობები ხანგრძლივი მშვიდობისთვის. ამის შესახებ რეტკლიფმა აშშ-ის სენატში მოსმენის დროს განაცხადა.
„მაგრამ რაც შეეხება უკრაინულ წინააღმდეგობას, უკრაინელი ხალხი და არმია უკვე რამდენიმე წელია არ არის სათანადოდ შეფასებული. ჩემი მოსაზრებებითა და დაკვირვებებით და დაზვერვის გათვალისწინებით,
დარწმუნებული ვარ, რომ ისინი შიშველი ხელებით იბრძოლებენ, თუკი მათ ეს მოუწევთ, თუ მათ არ ექნებათ პირობები, რომლებიც მისაღებია ხანგრძლივი მშვიდობისთვის“, - განაცხადა რეტკლიფმა.
მისი თქმით, აშშ-ის პრეზიდენტი დონალდ ტრამპი ომის დასრულებას იმ პირობებით ცდილობს, რაც გრძელვადიან მშვიდობას მოიტანს. მისივე თქმით, CIA-მ გადადგა ნაბიჯები ტრამპის მიზნის მხარდასაჭერად.
CIA-ს ხელმძღვანელი დარწმუნებულია, რომ ტრამპს ესმის საფრთხე, რომელიც რუსეთის გამარჯვების შემთხვევაში დადგება და ხაზგასმით აღნიშნა, რომ „წარმატებული მოლაპარაკებების“ შემთხვევაში ვერც ერთი მხარე ვერ შეძლებს მაქსიმალისტური მიზნების მიღწევას.
ამასთან, მან აღნიშნა, რომ რუსეთის არმიას აქვს უპირატესობა ბრძოლის ველზე და ნელ-ნელა წინ მიიწევს.
