თეთრმა სახლმა ორი განცხადება გაავრცელა საუდის არაბეთში 23-25 მარტს უკრაინელ და რუს ოფიციალურ პირებთან მაღალი დონის მოლაპარაკებების შემდეგ. ამის შესახებ უკრაინული მედია თეთრ სახლზე დაყრდნობით იუწყება.
გამოქვეყნებული განცხადებების თანახმად, აშშ-ის დელეგაცია, 24 მარტს საუდის არაბეთში უკრაინელ და რუს ოფიციალურ პირებთან მოლაპარაკების შემდეგ, შეთანხმდა, რომ იმუშავებენ შავ ზღვაში ცეცხლის შეწყვეტაზე და ენერგეტიკულ ინფრასტრუქტურაზე თავდასხმების აკრძალვაზე.
ორივე განცხადება შეიცავს იდენტურ ფორმულირებას, რომ შეერთებული შტატები შეთანხმდა უკრაინასა და რუსეთთან ცალ-ცალკე „უზრუნველყოფილი იქნას ნაოსნობის უსაფრთხოება, გამოირიცხოს ძალის გამოყენება და აღიკვეთოს კომერციული გემების გამოყენება სამხედრო მიზნებისთვის შავ ზღვაში“.
განცხადების თანახმად, ვაშინგტონი ასევე შეთანხმდა კიევთან და მოსკოვთან „შეიმუშავონ ზომები“ შეთანხმების განსახორციელებლად „რუსეთსა და უკრაინაში ენერგეტიკულ ობიექტებზე დარტყმის აკრძალვის შესახებ“.
ამასთან, თეთრი სახლის თანახმად, გარდა ამისა, შეერთებული შტატები „გააგრძელებს ორივე მხარეს შორის მოლაპარაკებების ხელშეწყობას ერ-რიადში მიღწეული შეთანხმებების შესაბამისად მშვიდობიანი მოგვარების მისაღწევად“.
თეთრი სახლის „უკრაინული“ განცხადება კონკრეტულად კიდევ ერთხელ ადასტურებს აშშ-ის ვალდებულებას „ხელი შეუწყოს სამხედრო ტყვეების გაცვლას, სამოქალაქო პატიმრების გათავისუფლებას და იძულებით დევნილი უკრაინელი ბავშვების დაბრუნებას“.
