რუსეთი კურსკის ოლქში დატყვევებულ უკრაინელ მეომრებს ისე მოვექცევით, როგორც ტერორისტებს, - ამის შესახებ განაცხადა რუსეთის პრეზიდენტმა ვლადიმირ პუტინმა კურსკის ოლქში მდებარე ერთ-ერთი სამეთაურო პუნქტში გამართულ შეხვედრაზე.
მისი თქმით, უცხოელ დაქირავებულებზე არ გავრცელდება ჟენევის 1949 წლის კონვენცია. თუმცა, მისივე თქმით, სამხედრო ტყვეებს ჰუმანურად უნდა მოეპყრონ.
ამასთან, მან აღნიშნა, რომ უკრაინის შეიარაღებული ძალების სამხედროები, რომელიც რეგიონში იმყოფებიან, დანაშაულს სჩადიან მშვიდობიანი მოსახლეობის წინააღმდეგ.
”ადამიანები, რომლებიც არიან კურსკის რეგიონში, ეწინააღმდეგებიან ჩვენს შეიარაღებულ ძალებს, სამართალდამცავ ორგანოებს და სპეცსამსახურებს, რუსეთის ფედერაციის კანონების შესაბამისად, ტერორისტები არიან. რუსეთის გენერალური პროკურატურა ასე აკვალიფიცირებს მათ ქმედებებს და სწორედ ამ მუხლით, "ტერორიზმით" არის მათ წინააღმდეგ აღძრული რუსეთის ფედერაციის საგამოძიებო კომიტეტის მიერ სისხლის სამართლის საქმე." - თქვა პუტინმა.
12 მარტს გავრცელდა ინფორმაცია, რომ უკრაინის შეიარაღებული ძალების დანაყოფების ნაწილი რუსეთის კურსკის რეგიონიდან გავიდა.
როგორც იუწყებიან, რუსეთის არმიის შეტევის ფონზე, უკრაინამ რუსეთის ტერიტორიიდან ყველაზე ბრძოლისუნარიანი ბრიგადების გაყვანის გადაწყვეტილება მიიღო.
