სამხრეთ კორეის გადაყენებული პრეზიდენტი იუნ სუკ იოლი, რომელსაც ამბოხებაში ედება ბრალი, სასამართლოს გადაწყვეტილების შემდეგ პატიმრობიდან გაათავისუფლეს, მას შემდეგ რაც პროკურორებმა უარი თქვეს სასამართლოს გადაწყვეტილების გასაჩივრების უფლებაზე.
თუმცა, იუნი კვლავ გამოძიების ქვეშ რჩება 2024 წლის ბოლოს მის მიერ გამოცხადებულისაომარი მდგომარეობის გამო.
წინასწარი დაკავების იზოლატორიდან გამოსვლისას 64 წლის პოლიტიკოსს მხარდამჭერთა მცირე ჯგუფი დახვდა. მან მადლობა გადაუხადა და პრეზიდენტის რეზიდენციაში გაემგზავრა.
წინა დღეს, სეულის ცენტრალურმა რაიონულმა სასამართლომ დააკმაყოფილა დაცვის მხარის შუამდგომლობა და გააუქმა იუნ სუკ იოლის დაკავების ორდერი.
სამხრეთ კორეის პრეზიდენტი 15 იანვარს დააკავეს. მან 3 დეკემბერს, ჯერ კიდევ მაშინ, როდესაც პრეზიდენტის პოსტს იკავებდა, ქვეყანაში მოულოდნელად საომარი მდგომარეობა გამოაცხადა და არჩევნებში გამარჯვებულ თავის ოპონენტებს პარლამენტში შესვლის საშუალებას არ აძლევდა. საპასუხოდ, პარლამენტმა მის წინააღმდეგ იმპიჩმენტის პროცედურა დაიწყო და თანამდებობიდან გადააყენეს.
იუნს ასევე ადანაშაულებენ პარლამენტში ჯარების გაგზავნაში საომარი მდგომარეობის მოხსნის კენჭისყრის ჩაშლის მიზნით, ასევე ოპოზიციის მთავარი ფიგურების და საარჩევნო კომისიის თანამშრომლების დაკავებაში.
