აშშ-ის პრეზიდენტი, დონალდ ტრამპი აცხადებს, რომ რუსეთსა და უკრაინას შორის ომის დასასრულებლად საბოლოო შეთანხმების მიღწევა მოსკოვთან უფრო ადვილი იქნება, ვიდრე კიევთან.
ტრამპმა დაადასტურა, რომ პუტინი სარგებლობს იმით, რომ შეერთებულმა შტატებმა შეუზღუდა უკრაინის დაზვერვით და სამხედრო დახმარებით მხარდაჭერა.
„მის ადგილას ვინც იქნებოდა იგივეს გააკეთებდა“, - თქვა აშშ-ის პრეზიდენტმა.
„მე ვენდობი პუტინს, ჩვენ ძალიან კარგი ურთიერთობა გვაქვს რუსეთთან. ვფიქრობ, რომ ჩვენ ძალიან კარგად მივდივართ რუსეთთან, მაგრამ ახლა ისინი ჯოჯოხეთურად ბომბავენ უკრაინას და უკრაინასთან, გულახდილად რომ ვთქვა, უფრო რთულია ურთიერთობა და მათ არ აქვთ კარტები“, – განაცხადა ტრამპმა.
აშშ-ის პრეზიდენტის თქმით, ვლადიმირ პუტინს ხელში „ყველა კარტი“ უჭირავს.
„საბოლოო შეთანხმების მიღწევის თვალსაზრისით, შეიძლება უფრო ადვილი იყოს რუსეთთან ურთიერთობა, რაც გასაკვირია, რადგან მათ ყველა კარტი აქვთ,“ – აღნიშნა ტრამპმა.
