რესპუბლიკელი სენატორები დონალდ ტრამპს მოუწოდებენ უკრაინისთვის სამხედრო დახმარება და სადაზვერვო ინფორმაციების მიწოდება აღადგინოს. ამის შესახებ The Hill იუწყება.
რესპუბლიკელები აღნიშნავენ, რომ ომის დროს ამერიკული დახმარების გახანგრძლივებულ შეჩერებას სერიოზული, საზიანო შედეგები მოჰყვება.
მათი აზრით, ტრამპს უფლება ჰქონდა დროებით შეეწყვიტა იარაღის მიწოდება უკრაინისთვის, რათა შეეფასებინა ომის პროგრესი, ზეწოლა მოეხდინა ნატო-ს მოკავშირეებზე და შეწქმნა ფანჯარა უკრაინასა და რუსეთს შორის სამშვიდობო შეთანხმებაზე მოლაპარაკებებისთვის.
მაგრამ ამავე დროს, რესპუბლიკელი კანონმდებლები აფრთხილებენ, რომ იარაღისა და საბრძოლო მასალის დიდი ხნის განმავლობაში შეკავებამ შეიძლება დამანგრეველი გავლენა იქონიოს უკრაინის სამხედრო შესაძლებლობებზე, რაც ძირს უთხრის მის ბერკეტს რუსეთთან მოლაპარაკებებში.
ისინი ასევე ხაზს უსვამენ საჭიროებას დაუყოვნებლივ განახლდეს სადაზვერვო მონაცემების გაზიარება, რადგან კანონმდებლები ამბობენ, რომ შეერთებულმა შტატებმა საეჭვოა, რომ რაიმე სარგებელი ნახოს ბრძოლის ველზე უკრაინისთვის კრიტიკულად მნიშვნელოვანი სადაზვერვო ინფორმაციების მიღების ჩამორთმევით.
"ეს არის შეშფოთება უკრაინელი ხალხის გამო. მე უფრო მაწუხებს, ის, თუ როგორ რეაგირებს ამაზე ხალხი ბრძოლის ველზე ", - თქვა სენატორმა ტომ ტილისმა, ამერიკული სამხედრო დახმარების შეჩერების კომენტირებისას.
ტილისმა გამაცხადა, რომ დახმარების შეჩერება "შესაძლოა, სასარგებლო იყოს პუტინისთვის".
ტილისის თქმით, უკრაინას აქვს საკმარისი იარაღი და საბრძოლო მასალა, რათა შეაკავაოს ფრონტის ხაზი, მაგრამ იმედი გამოთქვა, რომ სამხედრო დახმარების პაუზა დიდხანს არ გაგრძელდება.
ენატის ასიგნებების საკითხის კომიტეტის თავმჯდომარემ სიუზან კოლინზმა განაცხადა, რომ ის ეწინააღმდეგება სამხედრო დახმარების შეწყვეტას.
"მე არ ვფიქრობ, რომ ჩვენ უნდა შევაჩეროთ ჩვენი ძალისხმევა. ეს უკრაინელები ღვრიან სისხლს ", - თქვა მან და დღევანდელ მომენტს უწოდა "კრიტიკული უკრაინისთვის".
სენატის უმრავლესობის ლიდერმა ჯონ ტიუნმა ხაზგასმით აღნიშნა, რომ უკრაინის სამხედრო დახმარების შეჩერება დროებითი იქნება.
„ეს არის პაუზა და არა გაჩერება.
ვფიქრობ, ეს მოლაპარაკების ნაწილია. და იმედი მაქვს, რომ საბოლოოდ ჩვენ მივიყვანთ ხალხს მაგიდასთან და ჩვენ შევძლებთ მოლაპარაკებას შეთანხმებაზე, რომელიც მოაგვარებს ამ სამწლიან კონფლიქტს და, იმედია, პატივს სცემს უკრაინელი ხალხის სუვერენიტეტს“, - თქვა მან.
სენატორმა ლინდსი გრემმა ასევე აღნიშნა, რომ შეშფოთებულია ტრამპის მიერ უკრაინასთან დაზვერვის გაზიარების შესახებ გამოცხადებული პაუზის გამო.
”მე ძალიან მაწუხებს ეს გრძელვადიან პერსპექტივაში,” - თქვა მან.
დაზვერვის კომიტეტის წევრმა, სენატორმა ჯონ კორნინმა თქვა, რომ „სადაზვერვო ცნობები, რომლსაც ჩვენ უკრაინელებს ვაწვდიდით, გადამწყვეტი იყო ბრძოლის გაგრძელებისთვის“.
”იმედი მაქვს, რომ პაუზა რაღაც მომენტში მოიხსნება,” - თქვა მან.
სენატორმა მაიკ რაუნდსმა, შეიარაღებული ძალების კომიტეტის წევრმა, თქვა, რომ ის არ უჭერს მხარს გადაწყვეტილებას შეწყვიტოს დაზვერვის გაზიარება უკრაინასთან და იმედოვნებს, რომ უკრაინის სამხედრო დახმარების პაუზა მხოლოდ დროებითი იქნება.