საუდის არაბეთის საგარეო საქმეთა სამინისტრომ დაადასტურა, რომ უკრაინასა და აშშ-ს შორის მოლაპარაკებები ქალაქ ჯედაში გაიმართება. თუმცა საგარეო საქმეთა სამინისტრომ ზუსტი თარიღი არ დაასახელა.
ერთი დღით ადრე, აშშ-ს სპეციალურმა წარმომადგენელმა ახლო აღმოსავლეთში სტივ უიტკოფმა განაცხადა, რომ შეხვედრა შესაძლოა, ჯედაში შედგეს და არა ერ-რიადში.
უკრაინის პრეზიდენტმა ვოლოდიმირ ზელენსკიმ თქვა, რომ ორშაბათს, 10 მარტს გაემგზავრება საუდის არაბეთში, შემდეგ კი მისი გუნდი დარჩება იქ ამერიკელებთან შესახვედრად. მოლაპარაკებების შესაძლო თარიღი 11 ან 12 მარტი დასახელდა. მოლაპარაკებებში თავად ზელენსკი არ მიიღებს მონაწილეობას. უკრაინულ დელეგაციას მოლაპარაკებებზე პრეზიდენტის ოფისის ხელმძღვანელი ანდრიი ერმაკი და თავდაცვის მინისტრი რუსტემ უმეროვი წარმოადგენენ. ამერიკული მხრიდან მონაწილეობას მიიღებენ დონალდ ტრამპის სპეციალური წარმომადგენელი ახლო აღმოსავლეთში სტივ უიტკოფი, სახელმწიფო მდივანი მარკო რუბიო და ეროვნული უსაფრთხოების მრჩეველი მაიკ უოოლცი,
რუსეთისა და ამერიკის დელეგაციები ერ-რიადში თებერვალში სრულმასშტაბიანი ომის დაწყების შემდეგ პირველად შეხვდნენ.