ფედერალისტების ერთ-ერთი ლიდერი, თამარ ჩერგოლეიშვილი, დონალდ ტრამპის განცხადებების გარშემო მიმდინარე დისკუსიასა და აშშ-უკრაინის ურთიერთობას Facebook პოსტით გამოეხმაურა:
" ერთადერთი რამ, რაც ამ რთულ ვითარებაში პატრიოტ და გონიერ ქართველს შეიძლება სურდეს, არის ორ პარტნიორ ქვეყანას შორის ურთიერთობის მოგვარება.
ერთადერთი, რაც ამ ვითარებაში შეიძლება გვინდოდეს, არის ის, რომ ტრამპი და ზელენსკი ერთმანეთთან დალაგდნენ. ამერიკის გარეშე რუსეთის წინააღმდეგ უკრაინის ინტერესების დაცვა არის შეუძლებელი. ნებისმიერი ომი რომელიმე მხარისთვის დადებითად შეიძლება გადაწყდეს მხოლოდ და მხოლოდ ძალის პოზიციიდან. ის ძალა, რაც პუტინის შეკავებას და უკან დახევას სჭირდება აქვს მხოლოდ და მხოლოდ ამერიკის შეერთებულ შტატებს.
ტრამპის გეგმა შედეგება სამი საკვანძო ელემენტისგან:
1) მინერალებით ამერიკის ეკონომიკური ინტერესის გაჩენა.
2) ევროპული ჯარის განლაგება.
3) ნავთობის და გაზის ფასების შემცირება.
ამით განსხვავდება მინსკის შეთანხმებისგან და უფრო გავს დეიტონის შეთანხმებას, რომელმაც 30 წლის წინ ევროპაში ბოლო ომი დასრულა.
ტრამპის გეგმა არ არის მინსკი და მითუმეტეს არ არის კაპიტულაცია. რასაკვირველია, იდეალური არ არის, და უკეთესიც შეიძლება გახდეს, მაგრამ მინსკისგან ფუნდამენტურად განსხვავებული დასაწყისია.
ტრამპისთვის პუტინის მოკავშირის წოდება და ამერიკის რუსეთად გამოცხადება ე. წ. პროდასავლელი ქართველების მხრიდან არის საკუთარ ფეხებში თოფის დახლა და პუტინის საქმის კეთება - ამ საქმეში მთავარი აღქმაა და თუ ტრამპი პუტინის მოკავშირედ გამოცხადდება, გაუმარჯვია რუსეთს და ეგაა - ძალის ხიბლი ხომ იმაშია, რომ თუ ის დიდია, მისი გამოყენება ნაკლებად გჭირდება!
სინამდვილეში ტრამპი მართალია იმაში, რომ წინა ვადაში მას რუსეთისთვის არაფერი დაუთმია.
ობამას აპოლოგეტები რომ რაცხავენ რუსეთის მოკავშირედ, ეს უსამართლობა უბრალოდ მახრჩობს:
1. ობამამ დაიწყო რუსეთთან გადატვირთვა რუსეთ საქართველოს ომის შემდეგ.
2. ჰილარიმ ჩაიტანა ყვითელი ღილაკი მოსკვოში.
3. ობამამ დაგვადო იარაღის დე-ფაქტო ემბარგო, რომელიც არ მოხსნილა ტრამპამდე.
4. ობამა მოუწოდებდა მიშას პირისპირ შეხვედრის დროს ოვალ ოფისში ძალაუფლების გადაცემისკენ.
პუტინის მოკავშირე იყო ობამა? რასაკვირველია არა!
ისარგებლა პუტინმა მისი პოლიტიკით - რასაკვირველია ისარგებლა.
ჩვენი ამოცანა ზიანის მინიმიზაცია იყო და აი ამას ცდილობდა მაშინდელი ხელისუფლება და ის ხელისუფლება იქცეოდა სწორად!
აქ რამდენიმემ მკითხა:
"ანუ დათვი რომ მოგერევა, ბაბაია უნდა დავუძახოთო"?
მეგობრებო - ესეც არეული რამსების შედეგია.
დათვი არის აგრესორის ალუზია.
უკრაინის აგრესორი არის რუსეთი.
და რუსეთს რომ ბაბაია არ ეძახოს, აი ამისთვისაა საჭირო ამერიკის დახმარება და ამ დახმარების მისაღებად ყველა ზომის მიღება! ანუ ყველა პატრიოტი ქართველი პოლიტიკოსი და საზოგადო მოღვაწე დღეს უნდა ოცნებობდეს და ლოცულობდეს უკრაინის და ამერიკის ხელისუფლებებს შორის ურთიერთობის დალაგებაზე. და არა, არ არის ტრამპი პუტინის მოკავშირე!
ტრამპი საკუთარი ქვეყნის პრეზიდენტია, რომლის მოსახლეობის 40 პროცენტიც თვლის რომ ამერიკა ზედმეტს აკეთებს უკრაინისთვის - რატომ, როგორ, მართლები არიან, თუ მტყუანები ამას მნიშვნელობა არ აქვს - ესაა მოცემულობა.
მინერალების დილით ის ამ 40 პროცენტს ელაპარაკება. ამავდროულად, ამერიკელების 80% თვლის რომ პუტინი სანდო არ არის - დამერწმუნეთ, რომ ეს ამ ხალხის პრეზიდენტმაც იცის.
ამიტომ, ვისაც საზოგადოებრივი აზრის შექმნაზე გაქვთ პრეტენზია და პროდასავლური ორიენტაციის ბრძანდებით - დადექით და ილოცეთ, რომ ამერიკის და უკრაინის ხელისუფლებები ერთმანეთში დალაგდნენ - დღეს ეს უნდა იყოს ჩვენი სადარდებელი, იმიტომ რომ რაც ხდება (ტრამპის რუსად გამოცხადების ჩათვლით) რუსეთის გარდა არავის უხარია!"- წერს თამარ ჩერგოლეიშვილი
