აშშ-ის პრეზიდენტმა, დონალდ ტრამპმა თავის Truth Social-ზე გამოაქვეყნა სოციალური ქსელის ერთ-ერთი მომხმარებლის, მაიკლ მაკკუნის მოსაზრება, სადაც ნათქვამია, რომ „ზელენსკის სხვა გზა არ ექნება, გარდა იმისა, რომ უკან დაიხიოს და მიიღოს ტრამპის პირობები“.
"ახლა ზელენსკის არ ექნება არჩევანი გარდა იმისა, რომ უკან დაიხიოს და ტრამპის პირობები მიიღოს. მაგრამ აქ არის გენიალური ნაწილი - ტრამპი სინამდვილეში უკრაინას იცავს ომში აშშ-ს ჩართვის გარეშე.
მინერალების შეთანხმებაზე მოლაპარაკებით, ტრამპი უზრუნველყოფს, რომ ამერიკელები უკრაინის სამთო-მოპოვებით ინდუსტრიაში იქნებიან ჩართული. ეს რუსეთს ხელს შეუშლის, რომ თავდასხმა წამოიწყოს, რადგან უკრაინაზე თავდასხმა ამერიკელების სიცოცხლის საფრთხის ქვეშ დაყენების ტოლფასი იქნება - რაც აშშ-ს აიძულებს, რომ პასუხი გასცეს. ტრამპი ორივე მხარით ოსტატი ჭადრაკის მოთამაშესავით თამაშობს.
საბოლოოდ, ზელენსკის დათმობის გარდა არჩევანი არ ექნება, რადგან აშშ-ს მხარდაჭერის გარეშე, უკრაინა რუსეთის წინააღმდეგ გრძელვადიან ომში ვერ გაიმარჯვებს. და როდესაც აშშ-ს კომპანიებს სამთო-მოპოვების ოპერაციები ექნებათ უკრაინაში, პუტინი ვეღარ შეძლებს თავდასხმას მასობრივი საერთაშორისო შედეგების გამოწვევის გარეშე".
