რუსეთის პრეზიდენტმა ვლადიმირ პუტინმა განაცხადა, რომ მზად არის ითანამშრომლოს უცხოელ პარტნიორებთან დროებით ოკუპირებულ უკრაინის ტერიტორიებზე იშვიათი და წიღისეული ლითონების სფეროში.
პუტინის თქმით ფიქრობს, რომ აშშ-ის პრეზიდენტის დონალდ ტრამპის წინადადება აშშ-ისა და რუსეთის თავდაცვის ბიუჯეტის 50%-ით შემცირების შესახებ კარგი იდეაა და რომ ჩინეთი „შეიძლება შეუერთდეს მას“.
პუტინმა ასევე განაცხადა, რომ უკრაინასა და აშშ-ს შორის შეთანხმება წიაღისეული რესურსების შესახებ არ ეხება რუსეთს.
ამავე დროს, რუსეთი, მისი აზრით, მზად იქნება შესთავაზოს შეერთებულ შტატებს შესაძლებლობა, ერთად იმუშაონ იშვიათი ლითონების სფეროში.
„ჩვენ, უდავოდ, ბევრად, ხაზგასმით აღვნიშნავ, ბევრად დიდი რესურსი გვაქვს ამ სახის, ვიდრე უკრაინას. რუსეთი ერთ-ერთი უპირობო ლიდერია ამ იშვიათი და წიაღისეული ლითონების მარაგებით. ეს საკმაოდ მსხვილი ინვესტიციებია, პროექტები, რომლებიც დიდ ფინანსურ რესურსს მოითხოვს. დიდი სიამოვნებით ვითანამშრომლებდით ნებისმიერ უცხოელ პარტნიორთან, მათ შორის, ამერიკელებთანაც.
სხვათა შორის, რაც შეეხება ახალ ტერიტორიებს, აქაც იგივე: ჩვენ მზად ვართ მოვიზიდოთ უცხოელი პარტნიორები და ე.წ. ახალ, ჩვენს ისტორიულ ტერიტორიებზე, რომლებიც რუსეთის შემადგენლობაში დაბრუნდნენ, ასევე არის გარკვეული რესურსების მარაგი. მზად ვართ იქაც ვიმუშაოთ ჩვენს უცხოელ პარტნიორებთან, მათ შორის, ამერიკელებთან“, - განაცხადა პუტინმა.
