პოლონეთის პრეზიდენტმა ანდჯი დუდამ უკრაინასა და რუსეთში აშშ-ის სპეციალურ წარმომადგენელთან კიტ კელოგთან და აშშ-ის თავდაცვის მდივან პიტ ჰეგსეთთან შეხვედრის შემდეგ განაცხადა, რომ ვაშინგტონი არ გეგმავს აღმოსავლეთ ევროპაში ამერიკული ჯარების რაოდენობის შემცირებას. იუწყება Reuters.
”ჩვენ დავრწმუნდით, რომ ამერიკელებს აბსოლუტურად არ აქვთ განზრახვა შეამცირონ თავიანთი აქტივობა აქ, ევროპის ჩვენს ნაწილში, განსაკუთრებით უსაფრთხოების თვალსაზრისით, შეამცირონ ამერიკელი ჯარისკაცების რაოდენობა,” - თქვა დუდამ.
სახელმწიფო დეპარტამენტის ცნობით, ამჟამად პოლონეთში როტაციით, დაახლოებით 10 000 ამერიკელი ჯარისკაცი იმყოფება, როგორც საბრძოლო ჯგუფის ნაწილი, რომელიც დაფინანსებულია ევროპის შეკავების ინიციატივის მიერ.
დუდას კელოგთან შეხვედრის შემდეგ იმედი აქვს, რომ უკრაინაში საომარი მოქმედებები მალე დასრულდება.
პოლონეთის პრეზიდენტმა აღნიშნა, რომ იცნობს აშშ-ის პრეზიდენტს დონალდ ტრამპს, როგორც გადამწყვეტ და ეფექტურ პიროვნებას და ამიტომ ელის, რომ შეერთებული შტატები აქტიურ წვლილს შეიტანს ომის დასრულებაში.
პოლონეთში ვიზიტის შემდეგ კელოგი კიევში, უკრაინის პრეზიდენტ, ვოლოდიმირ ზელენსკისთან შესახვედრად გაემგზავრება.
