აშშ-ის პრეზიდენტი დონალდ ტრამპი ხელს მოაწერს აღმასრულებელ განკარგულებას სისხლის სამართლის საერთაშორისო სასამართლოს წინააღმდეგ სანქციების დაწესების შესახებ.
თეთრი სახლის ცნობით, ამის მიზეზი ის არის, რომ სასამართლოს მიზანში ჰყავს ამოღებული აშშ და მისი მოკავშირეები, მათ შორის ისრაელი
როგორც წერს NBC News ბრძანება ფინანსურ და სავიზო სანქციებს დააწესებს იმ პირებისა და მათი ოჯახის წევრების წინააღმდეგ, რომლებიც ხელს უწყობენ ICC-ის გამოძიებებს აშშ-ის მოქალაქეების ან მისი მოკავშირეების წინააღმდეგ.
სისხლის სამართლის საერთაშორისო სასამართლომ უკვე მიიღო ზომები თანამშრომლების დასაცავად შესაძლო სანქციებისგან, მათ შორის, სამი თვის ხელფასის წინასწარ გადახდით.
10 იანვარს აშშ-ს კონგრესის წარმომადგენელთა პალატამ სისხლის სამართლის საერთაშორისო სასამართლოს (ICC) მიერ ისრაელის პრემიერმინისტრ ბენიამინ ნეთანიაჰუს და თავდაცვის ყოფილი მინისტრის, იოავ გალანთის დაპატიმრების ორდერების გაცემის გამო, სასამართლოს წინააღმდეგ სანქციების დაწესებას მხარი დაუჭირა.
