ხუთი ადამიანი დაიღუპა ჩრდილოეთ საფრანგეთში, ქალაქ დიუნკერკის მახლობლად მიგრანტების ბანაკთან და მეზობელ ქალაქ ვორმუტში მომხდარი სროლის შედეგად. ინფორმაციას Reuters ფრანგულ მედიაზე დაყრდნობით ავრცელებს.
ფრანგი სამართალდამცავი ორგანოების ცნობით, ორი მიგრანტი და უსაფრთხოების ორი აგენტი დაიღუპა დიუნკერკის მახლობლად მდებარე ლუნ-პლაჟის ბანაკში.
ფრანგული მედია იტყობინება, რომ სროლის შემდეგ 22 წლის კაცი ადგილობრივ ხელისუფლებას ჩაბარდა და თქვა, რომ ის იყო თავდამსხმელი და რომ მან იმავე დღეს ასევე მოკლა კიდევ ერთი ადამიანი ახლომდებარე ქალაქში.
გავრცელებული ინფორმაციით, კაცის მანქანაში სამი ერთეული ცეცხლსასროლი იარაღი იპოვეს.
მომხდარის დეტალებზე ინფორმაცია არ ვრცელდება. დაწყებულია გამოძიება.
