არაფერი მომხდარა, არავინ არაფერი არ აირჩია, – ასე უპასუხა სალომე ზურაბიშვილმა საქართველოს პრეზიდენტად მიხეილ ყაველაშვილის არჩევის საკითხს.
სალომე ზურაბიშვილი ორბელიანების სასახლესთან შეკრებილ მოქალაქეებთან გავიდა და მადლობა გადაუხადა.
„მადლობა თქვენ, მადლობა ჩვენს ახალგაზრდებს, ყველანი ვართ დედები და ყველა ჩვენი შვილია. ვინც აქ დგანან, დგანან ამ ქვეყნისთვის, ამ ქვეყნის მომავლისთვის. მათ ვუთხრათ მადლობა და მათ ვუთხრათ, რომ მათთან ერთად ვიქნებით ბოლომდე, რომ დავიცვათ ისინი“, – თქვა სალომე ზურაბიშვილმა.
მისი თქმით, საქართველოს პარლამენტს ახალი პრეზიდენტი არ აურჩევია, „არაფერი მომხდარა, არავინ არაფერი არ აირჩია“.
კითხვაზე, აგრძელებთ თუ არა საქმიანობას, სალომე ზურაბიშვილმა თქვა: „აბა, რას ვაკეთებ“.
