პარლამენტთან შეკრებილმა დემონსტრანტებმა კახა კალაძის სახელობითი საფეხბურთო მაისური დაწვეს.
მოქალაქეები ამ ფორმით ფეხბურთელი მერის გადაწყვეტილებას აპროტესტებენ, რომ დღეს, პროტესტის შუაგულში, საშობაო ნაძვის ხის განათება აქვს გადაწყვეტილი.
ამ დროისათვის საპრეზიდენტო არჩევნებზე ხმის მიცემის პროცედურა მიმდინარეობს.
ამის პარალელურად, საკანონმდებლო ორგანოს გარეთ დილიდან აქცია მიმდინარეობს - მომიტინგეები პარლამენტთან ბურთს თამაშობენ. "ყაველ, ჩამოდი, ბურთი გვეთამაშე" - ისმის აქციაზე.
აქციის მონაწილეების ნაწილს პარლამენტთან დიპლომებიც აქვთ მიტანილი. ჭიჭინაძისა და 9 აპრილის ქუჩებზე პოლიციაა მობილიზებული.
