საქართველოში განვითარებულ მოვლენებთან დაკავშირებით მალტა, ჩრდილოეთ მაკედონია და ფინეთი ერთობლივ განცხადებას ავრცელებენ. ეუთოს თავმჯდომარეობის სამეული მშვიდობიანი დემონსტრანტების, მედიისა და პოლიტიკოსების წინააღმდეგ "ქართული ოცნების" ძალადობრივ ქმედებებს კატეგორიულად გმობენ.
„ჩვენ, ეუთოს თავმჯდომარეობის სამეული კატეგორიულად ვგმობთ საქართველოს ხელისუფლების ძალადობრივ ქმედებებს საქართველოს სამოქალაქო საზოგადოებაზე, დამოუკიდებელი მედიაზე და პოლიტიკოსებზე, რომლებიც მხარს უჭერენ ქვეყნის დემოკრატიულ მომავალს. მოვუწოდებთ საქართველოს ხელისუფლებას, დაუყოვნებლივ შეწყვიტოს რეპრესიული ტაქტიკა - დაშინების, თვითნებური დაკავებისა და ფიზიკური ძალადობის ჩათვლით.
მოვუწოდებთ საქართველოს ხელისუფლებას, დაიცვას შეკრების თავისუფლებისა და გამოხატვის თავისუფლების უფლებები ქვეყანაში, საქართველოს საერთაშორისო ვალდებულებების შესაბამისად. ამ ვალდებულებებთან წინააღმდეგობაში მოსული კანონები უნდა გაუქმდეს.
ძალადობის, არჩევნების გაყალბების, დემოკრატიული ღირებულებებისა და პრინციპების წინააღმდეგ თავდასხმის ყველა ბრალდება უნდა იყოს გამოძიებული და ამ დანაშაულებში მხილებულმა ყველა პირმა პასუხი უნდა აგოს.
ჩვენ მოვუწოდებთ საქართველოს ხელისუფლებას, დაიცვან ადამიანის უფლებები, დემოკრატია და კანონის უზენაესობა ეუთოს საერთო პრინციპებისა და ვალდებულებების შესაბამისად, როგორც ეს უკვე გათვალისწინებულია ჰელსინკის დასკვნით აქტში და პარიზის ქარტიაში.
ჩვენ ვდგავართ ქართველი ხალხის გვერდით, რადგან ის გამოხატავს თავის მისწრაფებას დემოკრატიული და ევროპული მომავლისკენ, როგორც ეს არის ჩაწერილი საქართველოს კონსტიტუციაში." - წერია განცხადებაში.
ფოტო: დიმა ზვერევი
