მეთექვსმეტე დღეა, დედაქალაქის ქუჩებში არ წყდება საპროტესტო აქციები „ქართულ ოცნებაში“ მიღებული გადაწყვეტილების გამო. ხელისუფლების გადადგომისა და ხელახალი არჩევნების ჩატარების მოთხოვნით, დღეს, 13 დეკემბერს, 13:00 საათზე თითქმის ერთი საათის განმავლობაში გადაიკეტა გზები დედაქალაქის რამდენიმე უბანში.
ვაკეში ჭავჭავაძის გამზირი, საბურთალოზე ყაზბეგის გამზირი და შარტავას ქუჩა, ვერაზე კი კოსტავასა და რუსთაველის გამზირები თითქმის ერთი საათის განმავლობაში იყო გადაკეტილი.
ქუჩაში დგანან ქართული ესტრადის ვარსკვკლავებიც. ისინი ამ წუთებში კონსერვატორიის მიმდებარე ტერიტორიიდან რუსთაველის გამზირისკენ დაიძრნენ, სადაც მარკეტერების აქციას შეუერთდებიან, შემდეგ კი ყველ ერთად კულტურის სამინისტროსთან გადაინაცვლებს.
აქციების მონაწილეები დაკავებულების გათავისუფლებასა და ხელახალ არჩევნებს ითხოვენ.
ფოტო: რადიო თავისუფლება
