ანდრო ჭიჭინაძის ადვოკატის, თორნიკე მიგინეიშვილის თქმით, საქალაქო სასამართლოს გადაწყვეტილება, რომლის მიხედვითაც ჭიჭინაძეს ორთვიანი წინასწარი პატიმრობა შეეფარდა, დღეს სააპელაციოში გაასაჩივრეს. მისივე თაქმით, დაცვის მხარე სასამართლოში გირაოს შუამდგომლობას დააყენებს.
"სასამართლოს გადაწყვეტილება მოკლებულია ყველანაირ ფაქტობრივ და სამართლებრივ დასაბუთებას. სასამართლომ გაითვალისწინა დაუსაბუთებელი შუამდგომლობა პროკურატურისა და ორთვიან წინასწარ პატიმრობაში გაუშვა მსახიობი, პოლიტპატიმარი ანდრო ჭიჭინაძე", - თქვა მიგინეიშვილი.
შინაგან საქმეთა სამინისტროს ცნობით, ჯგუფური ძალადობის ორგანიზების, ხელმძღვანელობის, მასში მონაწილეობისა და ძალადობრივი ქმედებისაკენ საჯაროდ მოწოდების ბრალდებით 5 პირი დააკავეს. მათ შორის არიან სთენდაფერი ონისე ცხადაძე და მსახიობი ანდრო ჭიჭინაძე. მათ 9 წლამდე თავისუფლების აღკვეთა ემუქრებათ.
