ხვალ, 26 ნოემბერს, "დემოკრატიული მოძრაობა - ერთიანი საქართველო" ეკონომიკური პროგრამის პრეზენტაციას გამართავს. ამის შესახებ "ჯი-ეიჩ-ენს" პარტიის პრესსამსახურიდან აცნობეს.
მათი ინფორმაციით, ეკონომიკური პროგრამის პრეზენტაციაც, ისე როგორც უსაფრთხოების კონცეფციისა და სოციალური სფეროს პროგრამის პრეზენტაცია, სასტუმრო "ქორთიარდ მერიოტში" გაიმართება.
პრეზენტაციას ექსპერტები, არასამთავრობო ორგანიზაციების, პარტიებისა და დიპლომატიური კორპუსის წარმომადგენლები დაესწრებიან.
