საპარლამენტო უმრავლესობის წარმომადგენელი ხათუნა ოჩიაური დარწმუნებულია, რომ ვლადიმერ სანაკოევი ახლაც რუსეთის აგენტია.
"ის აკეთებს განცხადებას ვლადიკავკაზში, რომელიც არის რუსეთის მიერ კონტროლირებადი ტერიტორია და ცხადია, ის ახლაც არის რუსეთის "ეფ-ეს-ბეს" აგენტი.
მისი პოლიტკური აქტივობა, რომელსაც სანაკოევი გარკვეულ მანძილზე იჩენდა, იყო სრულიად არაგულწრფელი და ნაკარნახევი მისი ბოსების მიერ. ეს გვაძლევს საფუძველს ვიფიქროთ, რომ ის ახლაც მისი ბოსების მითითებეს ასრულებს, რომელიც მას სრულიად ახალ რეალიებს კარნახობს", - განუცხადა ოჩიაურმა ჟურნალისტებს სანაკოევის სკანდალურ აღიარებაზე კომენტირებისას.
შეგახსენებთ, რომ მოძრაობა "კოკოითი ფანდარასტ"-ის ყოფილი ხელმძღვანელი ვლადიმერ სანაკოევი, რომელიც 2004-2008 წლებში საქართველოს მთავრობასთან დაახლოებულ პირად ითვლებოდა, სკანდალურ განცხადებას აკეთებს და აცხადებს, რომ საქართველოში რუსული "ეფ-ეს-ბეს" დავალებებს ასრულებდა.