აზერბაიჯანის პრეზიდენტის ილჰამ ალიევის განცხადებით, აზერბაიჯანს აშშ-სთან ყოველთვის სტაბილური ურთიერთობები ჰქონდა.
„ამავდროულად, ჩვენ გვქონდა ძალიან ნაყოფიერი თანამშრომლობა ტრამპის ადმინისტრაციის დროს. იგი ეფუძნებოდა ურთიერთპატივისცემას და ურთიერთდახმარების მაღალ შეფასებას“, - განაცხადა ალიევმა შუშის მეორე გლობალურ მედიაფორუმზე.
მისი თქმით, შეერთებულ შტატებსა და აზერბაიჯანს შორის იყო გარკვეული აღმავლობისა და დაცემის პერიოდები.
„ეს ჩვენი ბრალი არ იყო, რადგან იყო მცდელობები, ჩარეულიყვნენ ჩვენს პოლიტიკურ ცხოვრებაში და დაეფინანსებინათ პოლიტიკური ოპოზიცია“, - თქვა აზერბაიჯანის პრეზიდენტმა.
