ვენეციის კომისიას ისიც დააწერინეს, რომ ენჯეოებისა და მედიასაშუალებების გამჭვირვალობა ცუდი და არადემოკრატიულია, - ამისშესახებ საპარლამენტო უმრავლესობის წევრმა, სალომე ქურასბედიანმა ვენეციის კომისიის დასკვნასთან დაკავშირებით ქართული ოცნების ოფისში გამართულ ბრიფინგზე განაცხადა.
„ვენეციის კომისიის დასკვნა გაჯერებულია პოლიტიკური გზავნილებით, მოკლებულია სამართლებრივ-პროფესიულ დასაბუთებას და შეიცავს მთელ რიგ ფაქტობრივ არასწორ ინფორმაციას.
საბოლოოდ, ვენეციის კომისიას ისიც დააწერინეს, რომ ენჯეოებისა და მედიასაშუალებების გამჭვირვალობა ცუდი და არადემოკრატიულია. ცხადია, ეს ყველაფერი ძირს უთხრის თავად ამ ინსტიტუტის სანდოობას და იმ ღირებულებებს, რომლებსაც ის უნდა ემსახურებოდეს.
ვენეციის კომისიის პარადოქსული პოზიცია, რომ ენჯეოების ფინანსური შემოსავლებისა და ხარჯების შესახებ ინფორმაციას საზოგადოებისთვის დაფარული უნდა იყოს, სამწუხარო და იმედგამაცრუებელია“, - განაცხადა ქურასბედიანმა.
შეგახსენებთ, ვენეციის კომისიამ რუსულ კანონთან დაკავშირებით დასკვნა გამოაქვეყნა, რომელშიც ხელისუფლებას კატეგორიულად ურჩევს, აღნიშნული კანონი უკან გაიწვიოს.
