სვანეთში ავტოსაგზაო შემთხვევას ორი ადამიანი ემსხვერპლა.
ზუგდიდი-ჯვარი-მესტიის გზის ეცერის მიდამოებში მსუბუქი ავტომანქანა ხევში გადავარდა. შემთხვევის შედეგად ადგილზე დაიღუპნენ ამავე სოფლის მკვიდრი ძმები.
გავრცელებული ცნობით, შემთხვევა დილის საათებში მოხდა. ავარიის ადგილზე მობილიზებული იყვნენ სამძებრო-სამაშველო სამსახურის წარმომადგენლები.
გამოძიება სსკ-ის 276-მუხლის მე-8 ნაწილით მიმდინარეობს.
