ნატო-ს ქვეყნებმა „კონფიდენციალურად“ დაადგინეს ორი „წითელი ხაზი“, რომლის გადაკვეთის შემთხვევაში ჩრდილოატლანტიკურ ალიანსი, შესაძლოა, უშუალოდ ჩაერთოს უკრაინის ომში. ამის შესახებ იტალიური გამოცემამ La Repubblica წყაროებზე დაყრდნობით იტყობინება. თუმცა, იგი აღნიშნავს, რომ ნატო რაიმე ოპერატიულ გეგმას არ ამუშავებს.
პირველი „წითელი ხაზი“ ეხება რუსეთის მიერ უკრაინის თავდაცვის ხაზის გარღვევას და ომში მესამე ქვეყნის, კერძოდ ბელარუსის მონაწილეობას, წერს La Repubblica.
გამოცემა აღნიშნავს, რომ უკრაინის შეიარაღებული ძალები სრულად ვერ აკონტროლებენ უკრაინა-ბელარუსის საზღვარს, რაც ქმნის პირობებს რუსეთის შეიარაღებული ძალებისთვის უკრაინისა და ბელარუსის დერეფანში შეღწევისთვის. როგორც გამოცემა ვარაუდობს, "მაშინ მინსკი უშუალოდ ჩაერთვება სამხედრო კონფლიქტში" და "მისი ძალები და არსენალი იქნება გადამწყვეტად მნიშვნელოვანი მოსკოვისთვის", როგორც გამოცემა აღნიშნავს, ამ გარემოებამ შესაძლოა გააძლიეროს ნატო-ს ქმედებები უკრაინის სასარგებლოდ.
მეორე „წითელი ხაზი“, La Repubblica-ს მიხედვით, არის რუსეთის შესაძლო პროვოკაცია ბალტიის ქვეყნების, პოლონეთის წინააღმდეგ ან „მიზანმიმართული თავდასხმა მოლდოვაზე“.
