აშშ-ს ყოფილმა პრეზიდენტმა დონალდ ტრამპმა, აიოვაში, რესპუბლიკური პარტიის კოკუსში გამარჯვების შემდეგ, პირობა დადო, რომ „ძალიან სწრაფად“ მოაგვარებს ვითარებას უკრაინაში ომთან დაკავშირებით და დარწმუნებულია, რომ შეძლებს მოლაპარაკებებში ჩართოს უკრაინისა და რუსეთის პრეზიდენტები, რომლებსაც „კარგად იცნობს“. ”
"მე და პუტინი მშვენივრად ვუგებთ ერთმანეთს. ეს კარგია და არა ცუდი. რეალური და გულწრფელი რომ გახდეს ყალბი ამბები ამბები, ამ ქვეყანაში ჩვენი პრობლემების 90% მოგვარდება... ვითარება უკრაინასთან ძალიან საშინელია. ... და ჩვენ ამას მოვაგვარებთ, ძალიან სწრაფად მოვაგვარებთ“, - თქვა ტრამპმა.
აიოვაში გამოსვლისას ტრამპმა განაცხადა, რომ მას შეუძლია რუსეთის პრეზიდენტ ვლადიმირ პუტინთან შეთანხმების მიღწევა, რადგან, მისი თქმით, მათ კარგი ურთიერთობა აქვთ.
მან გამოთქვა რწმენა, რომ შეძლებს უკრაინისა და რუსეთის პრეზიდენტების ჩართვას მოლაპარაკებებში.
"მე კარგად ვიცნობ პრეზიდენტ პუტინს, კარგად ვიცნობ ზელენსკის, შემიძლია მისი ჩართვა, ჩვენ ამას ძალიან სწრაფად მოვაგვარებთ. ეს {ომი} არასდროს უნდა მომხდარიყო", - თქვა ტრამპმა.
შეერთებული შტტების ყოფილმა პრეზიდენტმა დონალდ ტრამპმა გაიმარჯვა რესპუბლიკური პარტიის მიერ ჩატარებულ შიდაპარტიული კენჭისყრის პირველ ეტაპზე (კოკუსი), რომელიც აიოვას შტატში გაიმართა.
