ჰოლივუდისა და ტელვიზიის მსახიობები სცენარისტების გაფიცვას მას შემდეგ შეუერთდნენ, რაც ანაზღაურების გაზრდასთან დაკავშირებით მოლაპარაკებები არ შედგა.
კინომსახიობთა გაერთიანება ანაზღაურების გაზრდის გარდა, კონოინდუსტრიაში ხელოვნური ინტელექტის გამოყენების შეზღუდვასაც მოითხოვდნენ.
160 ათასამდე მსახიობი შეუერთდება სცენარისტებს, რომლებიც უკვე ორთვენახევარია, რაც გაფიცულები არიან. ამერიკის კინოინდუსტრიაში მუშაობის ეს ყველაზე მასშტაბური წყვეტაა ბოლო 63 წლის განმვალობაში.
აქციის ფარგლებში მსახიობები არ მიიღებენ მონაწილეობას გადაღებებში, სარეკლამო კამპანიებში, არ დაესწრებიან სრულმეტრაჟიანი ფილმების, სერიალების პრემიერებს და არ წაიყვანენ სხვადასხვა ღონისძიებას.
მოსალოდნელია, რომ შეწყდება ან გადაიდება ასობით გადაღება, მათ შორის სერიალებისა და სატელევიზო მინი-სერიალების აშშ-ის მთელ ტერიტორიაზე.
სტუდიებსა და პლატფორმებს შორის, რომლებსაც აღნიშნული გაფიცვა შეეხება, არიან ისეთი გიგანტი კომპანიები, როგორებიცაა: Fox, Disney, Netflix, Paramount, Universal, Sony და სხვები.