მიხეილ სააკაშვილი სასამართლო სხდომას დისტანციურად ერთვება. მან "ქართული ოცნების" ლიდერებს, მათ შორის პარლამენტის თავმჯდომარეს, შალვა პაპუაშვილს გამოეხმაურა, რომელმაც თქვა, რომ ევროპარლამენტარებმა, რომლებიც მიხეილ სააკაშვილის ჰუმანიტარული მიზნით გათავისუფლებას ითხოვდნენ, ბოდიში უნდა მოიხადონ. 

"თურმე ევროპამ ბოდიში უნდა მოიხადოს, ევროპარლამენტმა, რომ ითხოვენ ჩემ გათავისუფლებას. მინდა ვუთხრა ე.წ. პარლამენტის თავმჯდომარეს, თქვენ უნდა მოიხადოთ ბოდიში, რომ აი ამ მდგომარეობამდე მომიყვანეთ. აი ამ მდგომარეობამდე მომიყვანეთ, ბოდიში უნდა მოიხადოთ თქვენ ევროპარლამენტარების წინაშე, ჩემ წინაშე, ჩემი ოჯახის წინაშე, უკრაინის სახელმწიფოს წინაშე, რომ მისი მოქალაქე ამ მდგომარეობაში არის, ყველა ქართველის წინაშე, რომ ქართული სახელმწიფოს დამფუძნებელი არის ამ მდგომარეობაში ჩაყენებული", - თქვა მიხეილ სააკაშვილმა. 

მიხეილ სააკაშვილმა ჩართვის დროს მაისური აიწია და თავისი ფიზიკური მდგომარეობა აჩვენა.