პარიზში საპენსიო რეფორმის საწინააღმდეგო დემონსტრაციის მონაწილეები საფონდო ბირჟის, Euronext -ის ოფისში შეიჭრნენ. იუწყება Reuters
დემონსტრანტები მსხვილი კომპანიებისგან საპენსიო სისტემაში არსებული დეფიციტის დაფინანსებას ითხოვენ.
დღეს პარიზში გაიფიცნენ ეროვნული სარკინიგზო კომპანიის თანამშრომლებიც.
საპენსიო რეფორმა მინიმალური საპენსიო ასაკის 62 წლიდან 64 წლამდე გაზრდას ითვალისწინებს. გასულ კვირას საფრანგეთის პრეზიდენტმა, ემანუელ მაკრონმა ხელი მოაწერა დოკუმენტს, რის შემდეგაც კანონი ძალაში ოფიციალურად შევიდა. საპენსიო რეფორმის წინააღმდეგ საპროტესტო გამოსვლები საფრანგეთში იანვრიდან რეგულარულად იმართება.
