უკრაინის პრეზიდენტის ოფისის ხელმძღვანელის მრჩეველი პოდოლიაკი ეხმიანება ბელარუსის პრეზიდენტის, ალექსანდრ ლუკაშენკას ინიციატივას უკრაინაში ზავის გამოცხადების შესახებ.
"ცეცხლის ნებისმიერი შეწყვეტა ნიშნავს რუსეთის "უფლებას", დარჩეს ოკუპირებულ ტერიტორიებზე. ეს კატეგორიულად დაუშვებელია. უკრაინას აქვს უფლება, გადააადგილოს ჯარები და ტექნიკა თავის ტერიტორიაზე ისე, როგორც საჭიროდ მიიჩნევს. უცნაური "მშვიდობისმყოფელები" კომიკურად გამოიყურებიან". - წერს პოდოლიაკი ტვიტერში.
დღეს, ბელარუსის მოსახლეობისა და პარლამენტისადმი მიმართვისას ბელარუსის ლიდერი, ალექსანდრ ლუკაშენკა ზავის გამოცხადების ინიციატივით გამოვიდა.
"გავრისკავ და წარვადგენ საბრძოლო მოქმედებების შეწყვეტის წინადადებას. ზავის გამოცხადებას ორივე მხრიდან ჯარების გადაადგილების, გადაჯგუფების უფლების გარეშე, იარაღისა და საბრძოლო მასალების, ცოცხალი ძალებისა და ტექნიკის გადასროლის უფლების გარეშე," - განაცხადა ლუკაშენკომ.