უკრაინის თავდაცვის ძალებმა ბახმუტის მიმართულებით ბოგდანოვკისა და ივანოვსკოეს დასახლებულ პუნქტებში დღის განმავლობაში მტრის რამდენიმე შეტევა მოიგერიეს. ბახმუტში პოზიციური ბრძოლები მიმდინარეობს.
ამის შესახებ უკრაინის შეიარაღებული ძალების გენშტაბი იუწყება.
„ბახმუტის მიმართულებაზე ოკუპანტები არ წყვეტენ მცდელობას აიღონ ქალაქი ბახმუტი. გრძელდება მუდმივი პოზიციური ბრძოლები. ამასთან, ჩვენმა დამცველებმა მოიგერიეს მტრის შეტევები ბოგდანოვკისა და ივანოვსკოეს რაიონებში“, - ნათქვამია ინფორმაციაში.
აღნიშნულია, რომ ავდეევკის, მარიინკისა და შახტიორის მიმართულებებზე მტერმა განახორციელა წარუმატებელი შეტევითი მოქმედებები ბერდიჩის, ავდეევკისა და სევერნოეს მიმართულებებით.
კუპიანსკისა და ლიმანის მიმართულებებთან დაკავშირებით გენშტაბში აცხადებენ, რომ მტერს ჰქონდა წარუმატებელი შეტევითი მოქმედებები ნოვოსელსკოეს მიმართულებით.
ამასთან, გენშტაბის ცნობით, ზაპოროჟიესა და ხერსონის მიმართულებებით მტერი თავდაცვით პოზიციაში იმყოფება.
„ვოლინის, პოლესკის, სევერსკისა და სლობოჟანსკის მიმრთულებებზე ვითარება არსებითი ცვილებების გარეშეა, - აცხადებენ გენშტაბში.
