სომხეთის განათლების, მეცნიერების, კულტურის და სპორტის სამინისტროსა და საქართველოს კულტურის, სპორტისა და ახალგაზრდობის სამინისტროს მხარდაჭერით, 4 და 9 დეკემბერს, ერევანსა და თბილისში, სომხეთის სახელმწიფო კამერული გუნდი „ჰოვერისა“ (ქორმაისტერები: სონა ჰოვანისიანი და ნარინე ვოსკანიანი) და თბილისის სახელმწიფო კამერული ორკესტრის -  „საქართველოს სინფონიეტას“ (სამხატვრო ხელმძღვანელი - გიორგი ქერელაშვილი) ერთობლივი პროექტი ტარდება.

პროექტის ფარგლებში, 4 დეკემბერს კონცერტი ჩატარდა ქალაქ ერევანში, კომიტასის სახელობის კამერული მუსიკის დარბაზში.

9 დეკემბერს, 19:00 სთ.-ზე კი ბაროკოს მუსიკის საღამო იგივე პროგრამით გაიმართება თბილისში, რუსთაველის ეროვნული თეატრის მცირე სცენაზე.

პროგრამაშია: ვივალდის, რამოს, პერსელის, მარეს, მონტევერდი, ლასოს, გაბრიელისა და გიბონსის მუსიკა. საღამოს დააგვირგვინებს ანტონიო ვივალდის “Magnificat” „საქართველოს სინფონიეტასა“ და გუნდი „ჰოვერის“ ერთობლივი შესრულებით.

კონცერტში მონაწილეობენ: „საქართველოს სინფონიეტა“ და გუნდი „ჰოვერი“. სოლისტები გახლავთ: ამალია თოროსიანი (სოპრანო), ნვარდ ჰოვაკიმიანი (ალტი), არამო მამიკონიანი (ტენორი), აშოტ ღანთარჯიანი (ბანი), დირიჟორი - ნარინე ვოსკანიანი.