Apple Inc-მა 7 სექტემბერს დანიშნა პრეზენტაცია, სადაც სავარაუდოდ წარმოდგენილი იქნება ახალი iPhone-ების ხაზი და ასევე, სმარტ საათების სერია.
ოთხშაბათს, კომპანიამ პრესას მოსაწვევები გაუგზავნა ღონისძიებაზე დასასწრებად, რომელიც გაიმართება კუპერტინოში მის სათაო ოფისში და ასევე გადაიცემა ონლაინ რეჟიმში.
Apple ჩვეულებრივ წინასწარ არ აცხადებს, თუ კონკრეტულად რაზე იქნება ღონისძიება, თუმცა 2013 წლიდან კომპანია ახალ iPhone-ებს სექტემბერში წარადგენს.
2021 წელს Apple-მა სექტემბერში წარადგინა iPhone 13 და iPhone 13 Pro, Apple Watch Series 7 და iPad Mini-სა და iPad-ის ახალი ვერსიები.
გასულ კვირას Bloomberg-მა განაცხადა, რომ Apple სექტემბრის ღონისძიებაზე წარადგენს iPhone 14-ის ოთხ ახალ მოდელს, ასევე Apple Watch-ის სამ ახალ ვერსიას.
Apple-ის აქციების ფასი ნიუ-იორკის ვაჭრობაში თითქმის 1%-ით გაიზარდა და $174.54 შეადგინა. კომპანიის აქციები მიმდინარე წელს წელს 2%-ით დაეცა.
