რუსეთში, ბელგოროდის ოლქის ვალუისკის საქალაქო რაიონის სოფელ ტიმონოვის მახლობლად საბრძოლო მასალის საცავი იწვის. იუწყება სააგენტო "ინტერფაქსი" ოლქის გუბერნატორის, ვიაჩესლავ გლადკოვზე დაყრდნობით.
"სოფელ ტიმონოვოსთან ცეცხლი გაუჩნდა საბრძოლო მასალის საწყობს. ამ დროისთვის, მსხვერპლი არ არის, დაშავებულები არ არიან. მიმდინარეობს მიმდებარე ტერიტორიიდან მოსახლეობის ევაკუაცია. ადგილზე მუშაობენ სასწრაფო-სამედიცინო დახმარებისა და სახანძრო ბრიგადები. ხანძრის გამომწვევი მიზეზები დადგინდება", - აცხადებს გლადკოვი.
ბოლო ხანებია, რუსეთის ხელისუფლება აცხადებს, რომ უკრაინული მხარე თავს ესხმის ბელგოროდის ოლქში მდებარე ობიექტებს, მათ შორის ნავთობი საცავებს.
მანამდე გავრცელდა ინფორმაცია, რომ 27 აპრილს, უკრაინის მოსაზღვრე ბელგოროდის ოლქში, სოფელ სტარაია ნელიდოვკაში საბრძოლო მასალის საწყობი დაიწვა. ოლქის ადმინისტრაცია ხანძრის გაჩენაში მაშინ უკრაინის ხელისუფლებას ადანაშაულებდა.
სააგენტო "ინტერფაქსის" ცნობით, 24 თებერვლის შემდეგ, ბელგოროდის ოლქში, "უკრაინის მხრიდან დაბომბვისას 200-ზე მეტი საცხოვრებელი კორპუსი დაზიანდა".
რუსეთის ბელგოროდისა ოლქში "ტერორისტული საფრთხის ყვითელი დონე" მოქმედებს
