სომხეთის საგანგებო სიტუაციების სამინისტროს ცნობით, კვირას ერევანში, სავაჭრო ცენტრ "სურმალუში" მომხდარი აფეთქების შედეგად ექვსი ადამიანი დაიღუპა და 61 დაშავდა.
"იპოვეს კიდევ ერთი გარდაცვლილის ცხედარი. დაღუპულთა რიცხვმა ექვსს მიაღწია", - ნათქვამია ბოლო შეტყობინებაში.
უწყების ინფორმაციით, 15 ადამიანი დაკარგულად ითვლება.
ტრაგედიის ადგილზე დღეს დილიდან მივიდნენ ქვეყნის პრემიერ-მინისტრი ნიკოლ ფაშინიანი და დედაქალაქის მერი ჰრაჩია სარქისიანი
კლინიკაში იმყოფება 36 დაშავებული. ექიმების განცხადებით, მათ მდგომარეობა საშუალო სიმძიმისაა, უკვე გაწერეს 22 ადამიანი.
აფეთქება სავარაუდოდ სავაჭრო ცენტრში მდებარე პიროტექნიკის საწყობში მოხდა, რასაც მოჰყვა ნგრევა და ხანძარი.
