14 აგვისტოს, კვირას დილით, შეიარაღებული კაცი ვაშინგტონში, კაპიტოლიუმთან ავტომანქანით ჯებირი გაარღვია, ჰაერში გაისროლა და შემდეგ თავი მოიკლა.
კაპიტოლიუმის პოლიციის ინფორმაციით, მანქანას ცეცხლი გაუჩნდა მას შემდეგ, რაც კაცი იქიდან გადმოვიდა.
პოლიციის თქმით, მანქანიდან გადმოსვლის შემდეგ მამაკაცმა ჰაერში რამდენიმეჯერ გაისროლა და როდესაც პოლიციამ გადაწყვიტა მას მიახლოებოდა, კაცმა თავი მოიკლა.
ინცინდენტის შედეგად სხვა არავინ დაშავებულა.
"ამ ეტაპზე, არ არსებობს მტკიცებულებები იმის თაობაზე, რომ კაცი კონგრესის წევრებზე თავდასხმას ისახავდა მიზნად. პოლიციას იარაღი არ გამოუყენებია", - ნათქვამია პოლიციის განცხადებაში.
მამაკაცის ვინაობის ან მისი მოტივების შესახებ ინფორმაცია არ ვრცელდება.