შეერთებული შტატების კონგრესის ორპარტიული დელეგაცია ტაივანში ჩავიდა, ამ კუნძულზე წარმომადგენელა პალატის სპიკერის ნენსი პელოსის ვიზიტიდან სულ რაღაც 12 დღეში.
გავრცელებული ინფორმაციით, ვიზიტი 14 აგვისტოს დაიწყო და ორ დღეს გასტანს.
დელეგაციის შემადგენლობაში არიან დემოკრატი სენატორი ედ მარკი, წარმომადგენელთა პალატის დემოკრატი წევრები - ჯონ გარამენდი, ალან ლოვენთალი, დონ ბეიერი და რესპუბლიკელი ამატა კოლმან რადევაგენი.
ამერიკელი კანონმდებლები ორშაბათს შეხვდებიან ტაივანის პრეზიდენტს ცაი ინ-ვენს. პრეზიდენტის ოფისის განცხადებით, ერთ თვეში მეორე მაღალი დონის ვიზიტი ამერიკიდან ტაივანის მიმართ მტკიცე მხარდაჭერის სიგანალია.
ვიზიტის ფარგლებში იგეგმება სხვადასხვა საკითხის განხილვა, მათ შორის, რეგიონული უსაფრთხოება, ვაჭრობა, ინვესტიციები, აშშ-ტაივანის ორმხრივი ურთიერთობები, კლიმატი და ა.შ.
აგვისტოს დასაწყისში, ტაივანს წარმომადგენელთა პალატის სპიკერი ნენსი პელოსი ეწვია. ვიზიტმა პეკინის მკვეთრად უარყოფითი რეაქცია გამოიწვია, რომელიც ამ კუნძულს თავის ტერიტორიად მიიჩნევს. მას შემდეგ ჩინელმა სამხედროებმა ტაივანში დამატებითი ძალები განათავსეს და იქ წვრთნების სერია გამართეს.