ერევნის მეტროპოლიტენის მუშაობა შეჩერებულია, მიმდინარეობს მოქალაქეების ევაკუაცია, რადგან კრიზისების მართვის ცენტრში შევიდა შეტყობინება ბომბის არსებობის შესახებ. აცხადებს მეტროპოლიტენს პრესსპიკერი ტატევ ხაჩატრიანი.
საგანგებო სიტუაციების მართვის სამსახურის ინფორმაციით, კრიზისების მართვის ცენტრში შევიდა შეტყობინება ყველა მეტროსადგურში, პარლამენტის შენობას, სავაჭრო ცენტრებში, ყველა ძირითად სამხედრო და სამოქალაქო ობიექტებში, ეკლესიასა და ზოოპარკში ბომბის არსებობის შესახებ.
"მოსახლეობის უსაფრთხოების უზრუნველყოფის მიზნით, მიმდინარეობს ევაკუაციის სამუშაოები", - ნათქვამია საგანგებო სიტუაციების სამინისტროს განცხადებაში.
მათივე ცნობით, მითითებულ ადგილებზე გაემართნენ კინოლოგები და განმაღმველი ჯგუფები.
შეგახსენებთ, ცოტა ხნის წინ, ერევანში, სავაჭრო ცენტრ "სურმალუ"- ში აფეთქება მოხდა. წინასწარი მონაცემებით, ინციდენტის მიზეზი პიროტექნიკის საწყობში გაჩენილი ხანძარი გახდა.
უბედური შემთხვევის შედეგად, დაიღუპა სულ მცირე ერთი და დაშავდა 50-მდე ადამიანი. ადგილზე მობილიზებულია მაშველები და მეხანძრეები.