ეგვიპტეში, კაიროს მახლობლად მდებარე ქალაქ გიზაში, კოპტურ ტაძარში გაჩენილ ხანძარს 41 ადამიანი ემსხვერპლა. იტყობინება ეგვიპტის ჯანდაცვის სამინისტრო.
უწყების ცნობით, ხანძრის შედეგად დაშავებულია 55 ადამიანი.
გავრცელებული ინფორმაციით, დაღუპულთა უმეტესობა ბავშვია.
სააგენტო Reuters-ის ცნობით, ხანძარი ელექტრომოწყობილობის მოკლე ჩართვამ გამოიწვია. ტაძარში 5 000-მდე ადამიანი იყო შეკრებილი. ხანძარის გაჩენის შემდეგ, ადამიანი გასასვლელისკენ დაიძრნენ, რამაც ის ჩაკეტა და ჭყლეტა გამოიწვია.
ხანძრის ჩასაქრობად შემთხვევის ადგილზე 15 სახანძრო მანქანა იყო მობილიზებული.
მოგვიანებით სახანძრო სამსახურებმა განაცხადეს, რომ ხანძარი ლოკალიზებულია.
კოპტები წარმოადგნენ უმსხვილეს ქრისტიანულ თემს ახლო აღმოსავლეთში. ეგვიპტის 103 მილიონი მცხოვრებიდან, სულ მცირე 10 მილიონი ადამიანი კოპტურ ეკლესიას მიაკუთვნებს თავს.
