ერევანში, სავაჭრო ცენტრში "სურმალუ" მომხდარ აფეთქებას სულ მცირე ერთი ადამიანი ემსხვერპლა. იტყობინება სომხეთის საგანგებო სიტუაციების სამსახური.
წინასწარი ინფორმაციით, აფეთქება პიროტექნიკის საწყობში მოხდა, რასაც ნგრევა და ხანძარი მოჰყვა.
შემთხვევის ადგილზე მუშაობენ სახანძრო-სამაშველო ჯგუფები. სავაჭრო ცენტრში ამ დროისთვის ხანძარია.
მედიის ინფორმაციით, მოელიან, რომ მსხვერპლა რაოდენობა შესაძლოა გაიზარდოს. ვარაუდობენ, რომ ნანგრევების ქვეშ ადამიანები არიან მოყოლილები.
აფეთქების ამსახველი კადრები სოციალურ ქსელში გავრცელდა.
