რუსი მამაკაცების თითქმის ორი მესამედი (62%) არ არის მზად, პირადად მიიღოს მონაწილეობა უკრაინაში საომარ მოქმედებებში, თუ ამის შესაძლებლობა ექნება. ასეთია კვლევის შედეგები, რომელიც Russian Field-მა ჩაატარა.
კვლევის შედეგებს გაზეთი "კომერსანტი" აქვეყნებს.
ბრძოლებში მონაწილეობის სურვილი გამოკითხულთა 29%-მა გამოთქვა. ასეთ მზაობას ყველაზე ხშირად 45-დან 59 წლამდე ასაკის ადამიანები გამოთქვამენ.
კვლევის თანახმად, გამოკითხულთა 67% არ არის მზად საკუთარი სახსრები გაიღოს უკრაინაში "სპეცოპერაციის" დასაფინანსებლად, გამოკითხულთა 12% მზადაა ამისთვის თვეში არაუმეტეს 1000 რუბლი (45 ლარი) გაიღოს.
გამოკითხულთა თითქმის ორი მესამედი (65%) აცხადებს, რომ მოიწონებს რუსეთის პრეზიდენტის გადაწყვეტილებას უკრაინაში ომის შეწყვეტისა და სამშვიდობო შეთანხმების ხელმოწერის შესახებით. საინტერესოა, რომ თითქმის იგივე რაოდენობა, რესპონდენტთა 60% მხარს დაუჭერს "კიევზე მორიგი თავდასხმის" განზრახვას.
მანამდე გამოცემა Proekt-ი იტყობინებოდა, რომ კრემლმა დააწესა კონტროლი სოციოლოგებზე და აუკრძალა მათ გამოკითხვის გამოქვეყნება, რომელის შედეგები შესაძლოა არ მოეწონოს რუსეთის პრეზიდენტს ვლადიმირ პუტინს.