შეერთებული შტატეტბის ანტიტერორისრული ოპერაციის ფარგლებში, ტერორისტული დაჯგუფება ალ-ყაიდას ლიდერი აიმან ალ- ზავაჰირი ლიკვიდირებულია.
ზაჰავირი ქაბულში ცენტრალური სადაზვერვო სააგენტოს (CIA) დრონით განხორციელებული თავდასხმის შედეგად დაიღუპა.
1-ელ აგვისტოს, თეთრ სახლში გამართულ საგანგებო ბრიფინგზე, აშშ-ის პრეზიდენტმა ჯო ბაიდენმა დაადასტურა ტერორისტის ლიკვიდირება.
"ახლა სამართალი აღსრულდა და ის ტერორისტული ლიდერი აღარ არის”, - თქვა ბაიდენმა და დასძინა, რომ ”ჩვენ არასდროს ვიხევთ უკან".
ამერიკის პრეზიდენტმა დააკონკრეტა, რომ ალ-ზავაჰირის ოჯახის არც ერთი წევრი არ დაშავებულა დარტყმის დროს და მსხვერპლი არ ყოფილა არც ავღანეთში მშვიდობიან მოსახლეობაში. ბაიდენმა იმედი გამოთქვა, რომ ალ-ყაიდას ხელმძღვანელის ლიკვიდაცია შვებას მოუტანს 2001 წლის 11 სექტემბრის თავდასხმების მსხვერპლთა ნათესავებს.
როგორც იუწყებიან, სახლზე, სადაც ტერორისტი იმყოფებოდა, მაღალი სიზუსტის დარტყმა გასულ კვირას, 31 ივლისს განხორციელდა. ზაჰავირის ლიკვიდაცია დაგმო თალიბანმა და მას "საერთაშორისო სამართლის პრინციპების დარღვევა" უწოდა.
ალ-ზაჰავირი ალ-ყაიდას 2011 წლიდან მეთაურობს, მას შემდეგ, რაც ამერიკელებმა ოსამა ბინ-ლადენის ლიკვიდაცია მოახდინეს. ალ-ზაჰავი ბინ-ლადენთან ერთად ხელმძღვანელობდა 11 სექტემბრის ტერაქტის დაგეგმვას.
აშშ-ის ხელისუფლებას ზავაჰირის სანაცვლოდ ჯილდოს სახით 25 მილიონი დოლარი ჰქონდა დაწესებული.
